رواية القلب الأزرق ريما عباس
رواية القلب الأزرق, "سأبقى ثقباً في منتصف عقلك, وربما قلبك ولن تستطيع تجاوزي".
كالعادة أول ما نزلت البوست إنفجر لايكات وتعليقات و الخاص مليان رسائل بس ولا بترد عليها ولا بترد على التعليقات كلها. كل الناس متشوقة تعرف الشخص البتكتب عنه هي البيستاهل كل كمية الحب البتتكلم عنها ف كل حرف بتنزلوا.
شهد حسين شخصية غامضة هادئة بتخاف على نفسها وتحميها بعيداً عن أهلها إنسانة جميلة و جذابة مكان ما بتمشي تلفت الأنظار, ثقيلة ما بيجذبها اي احد, مشهورة جداع في السوشال ميديا.
شهد محترفة هاكرز عالمية سلطان العلمها وبقي عندها شغل بالحاجة دي مع أنها بعيدة من تخصصها اللي هو الطب. بتعمل عمليات هاكرز كبيرة و تاخذ عليها قروشها .. و خافية عنها في الشبكة .. خلصت و ضمنت أن قروشها نذلت وقفلتو الكلام ده كلو قريب الساعة.
خلصت عملیه مهمه وبعدها اول م قفلت اللاب توب لقيت بنت قاعده قدامي عايننا لبعض مسافه بس م ركذت معاها كتير كملت اكلي وشلت تلفوني فتحت النت وبقيت بتفرج ع تلفونات دايره اطلب منها .. الحفله بدت والبت دي لسه قاعده قدامي .
ماحاولت اسالها ولا اتكلم معاها بقيت بعاين ليها لحد م هي اتكلمت بصوت رايق وهادي ونعوم انا لين .
م رديت ليها واصلت قالت لي بس م بحب الزحمه ف لقيت المكان ده فاضي وقعدت هنا م رديت وقبلت منها اي نعم تصرف حيوان شديد لكن م حاولت تتكلم معاي تاني.
الحفله بدت والناس دي كولها محيصه كان في معارض قمت مشيت علشان اتفرج واشوفها بقيت ماشه وبعاين والبعجبني بصورو .
في اساور حلوه كده قمت اشتريت اتنين البت قالت لي ممكن تاخدي وحده ليك وحده لصحبتك قلت ليها اوكيه شلتهم ومشيت 2.
في ولد جمبها قال ليها براحه كده اسي دي بت وانتو بنات قعدت تضحك قالت لية عندك حق والله نحنا لينا الشمس والسخانه اسكت ساي .عاينت ليهم كده قلت ليو خليني امشي علي الاقل. خجل وسكت البت بكل رحابه وظرافه قالت لي اصلو شليق كده معليش . ابتسمت ليها ومشيت .
مشيت دخلت ليهم لقيت الدكتور قال لي محتاجه جراح مخ واعصاب وهنا م عندنا للاسف .. وحالتها مابتتحمل تاخير .. عاينت لاولادا الببكو عليها وراجلا قمت اتصلت ع امي وبقلبي بقول يارب ترد يارب ترد يار طوالي الخط و فتح الوو . قلت ليها دكتوره حنان صح قالت لي ايوا قلت ليها م عرفتيني قالت لي ابدا . سكتت مسافه قلت ليها انتي في السودان قالت لي ايوا منو معاي قلت ليها انا شهد ي امي . اخدت ليها مسافه ساكته قلت ليها في وحده زميلتي امها حتموت لو م اتعملت ليها عمليه وم لاقين جراح ممكت تجي قالت لي ف يات مشفي .وريتها ليهو قالت لي طيب انقلوها ب اسعاف ل رويال كير وانا ح استقبلكم هناك قلت ليها تم .. طلعت ل لين قلت ليها مافي جراح هنا لازم ننقلا رويال كير ابوها قال لي بس انا م عندي امكانيه ل رويال كير اسي الدكتوررقال لي مافي جراح اصلا هناك قلت ليو في حنان النصري قال لي ب خلعه بس ا الدكتوره دي الا تحجزو عندها من بدري قلت ليو دي امي ممكن تطلع لي المريضه ف اسعاف وتبطل اساله فارغه قال لي حاضر.
عشره دقایق ب التام الاسعاف اتحركت ركب معاها راجلا وولدا ولين واختها وصحبتم ركبو معاي .انا كنت ساكته وم اتكلمت لحد م امي اتصلت لي قالت لي وين انتو قلت ليها دقيقتين واحنا بنوصل قالت لي تمام المريضه اسمها منو وريتهاا وقريت ليها الملف كلو حرف حرف قالت لي تمام م تمشي قبل م اشوفك قلت ليها ي امي لكن قالت لي ب اختصار كلامي واضح تجي لي داخله مع المريضه انا منتظراك .. لين قالت لي امك شاطره قلت ليها اشطر زوله ف المجال ده م تخافي.
ده كلو وانا مستغربه من نفسي انا ليه بساعدم وكيف الصدفه دي خلتني اتكلم مع امي .. وصلنا ودخلت مع ام لين جوا طوالي واهلها وقفو قدام الغرفه لقيت امي لابسه لبس العمليات جات ممرضه اخدتني فوق بقيت قاعده وشايفه العمليه كولها .. لحد م خلصت بجد امي شاطره ياخخخ • بغض النظر عن زعلي منها لكن هي شاطره .. لما انتهت انا مشيت تحت لقيت امي بتغسل قلت لبها هاكيفها قالت لي حتبقي كويسه انشالله قلت ليها ب خجل منها شكرا قالت لي تعالي طلعنا ل لين واهلها بره انا كنت مركزه في نظرات الخوف العلي وش لين حتي - صحبتها دموعها علي وشها .. انا ليه ماعندي صحبات ؟! .. امي طمنتم وقالت ليهم حتحتاج عمليه تانيه بس بعد فتره تلاته اشهر ان شالله ابعدوها عن اي اتربه واي ضغوطات نفسيه ..لاحظت ل امي ول تعاملا مع اهل المريضه وهدوءها وتماسكها وكيف هي زوله راقيبه وتعملا لطيف .. جات ماشه لين شكرتها وشكرتني وابوها نفس الشي .. قمت قلت ليها انا بقعد هنا انتي امشي قالت لي لا ومسكتني من ايدي مشيت معاها المكتب .. اول م دخلنا ضمتني ليها . قالت لي الحمدلله اني شفتك كويسه قلت ليها ليه مالك .. بعدت شويه وقالت لي مافي شي مهم المهم انك كويسه قلت ليها انتي من متي هنا قالت لي بليل .. قام تلفوني ضرب دي حبوبه قلت ليها مع زميلتي ف قالت لي وابوك ده قلت لبها ابوي يمشي ل شغلو وم ينتظرني ماراجعه البيت انا وقفلت الخط .
كالعاده قفلت علي نفسي الغرفه ولبست تشيرت وقعدت عقمت الجروح الفي جسمي ولفيت شعري وقعدت ع النت بقرا وبتفرج علي عمليات مخ واعصاب لاني فجاه لقيت نفسي حابه المجال ده لانو دقيق وبشبهني . شويه وحسيت ب صوت بره .. فتحت الباب براحه لقيت امي وحبوبه قاعدات وامي بتبكي وبتقول ليها تدقي بتي قدامي م كفاك الضرب الكنتي بتضربيني ليهو ؟!كده حتكرهيها فيني زياده ماتخليني اندم اني خليتها تجي معاك ي امي وبتبكي جيت ماشيه ب جمبهم مشيت المطبخ شلت باقه بيبسي كبيره وديتها الغرفه وتلج ومشيت سخنت اكل وشلتو ومشيت م اشتغلت بيهم م كتير
اجازتي اسبوع واحد بس فيوم اتصلت لي لين قالت لي طالعين تجي معانا قلت ليها والله يااخ مكسله قالت لي منتظرنك يلا شويات ولبست وطلعت ليهم مشينا اتونسنا حسيت اني بجد فرقت معاهم انهم يهتمو لامري لين قالت لينا باسل جا واتقدم لي امس وابوي بيسأل وبيشاور ف اعامي وكده كلهم بقو يباركو ليها ودي تحضنها ودي تغمز ليها فجر قالت ليهم اما انا اموري وضحت اخيرا مع حسام وواتساب ومكالمات فل .. ورد بقت تضحك قالت ليهم اما انا الوحيده تقريبا البحب من طرف واحد لين عاينت ليها ممن متي ؟ ليه م صارحتيهو ؟ وفجأه كلهم عاينو لي ! قلت ليهم ف شنو فجر قالت لي انتي ؟
قلت ليها انا شنو كمان لين ردت لي نظام بستجوبو فيني بتحبي؟ قلت ليها لا ابدا ولا علي بالي .. الكلام ده صدمني انا قبل منهم لحد.
الاجازه زي م هي قضيتها نووم من السرير للكنبه بليل ع الهاكرز وبنهار بنووم يوم عيوني اتورمت واتهيجت وبقت حمراا شديد جيت طالعه من غرفتي ع المطبخ اشيل تلج لقيت حبوبه ف وشي ي بت مالا عيونك كده حمراا ووارمه كنتي بتبكي قلت ليها لا واجعاني م انتظرتني اكمل قالت لي البسي عبايتك وارح الدكتور قلت ليها انا زاتي دكتوره مامحتاجه ل احد عاينت لي مسافه المهم احرجتني طوالي سكتت .. عملت اتصال وجاتني قالت لي مش مادايره تمشي الدكتور زاتو بجيبو ليك هنا جات بعد ساعه كده دكتوره ف التلتينات اسمها عفراء دكتوره عيون بعد عاينت لي وكده قالت لي الضووء تخففيهو الفتره دي ابعدي عن الجوال والكمبيوتر والنظاره محتاجه تتغير كتبت لي علي مرهم وحبوب ومس شكرتها وفاتت طوالي.
أحبك كما الندى يعانق الياسمين كما يتعلق طفل بثدي أمه الثمين أحبك حبا لم يعرفه بشر بحبك و رح تبقي قلبي الأزرق 💙 امس و هسه و مستقبلاً S.
يارب بارك لنا في الخطوة والقرار والمصير، في ايام العمر وليالِيه، في الطريق والرفيق، في الصبر ونيل العزم، في الثبات والتجربة وفي الاقبال على الحياة .💙💍
معلومات عن رواية القلب الأزرق ريما عباس
- إسم الكتاب: القلب الأزرق.
- الكاتبة: ريما عباس (سودانية الجنسية).
- عدد صفحات الكتاب: 120 صفحة.
- نوع الكتاب: كتاب إلكتروني pdf.
